India Lai Mino CYLA Nih India le Paletwa Pehtlaihnak Lam An Phih Ṭhan
The Chinland Post | 2024 June 24 — Nihin 2024 June 24 ah tuah mi Central Young Lai Association, Lawngtlai Central Executive meeting nih India ram le Myanmar ram pehtlaihnak lampi pakhat a si mi Lawngtlai District le Paletwa pehtlaihnak vialte cu an phihkhar than tiah thawng an thanh.
Central YLA biathanh nih a langhter ning ah cun Lawngtlai District le Paletwa, Chin State, Myanmar pehtlaihnak lam hi a hlan ah an rak phihkhar cang nain caan karlak chung awn than a si i, zohfiannak caan ngeih a si. Asinain Hi ram pahnih pehtlaihnak lam hi Arakan Army pawl nih thilri laknak le an herhhai khon mi cu hmang in Chin kan unau pawl tukdohnak ah a hman lengmang caah le kan unau Chinmi an thah hna caah le Lairam chung ( LADC Area, India) ah AA ralkap an lut lengmang ti kan theih caah 2024 June 24 thaek in nicaan rikhiah um lo in Lawngtlai District le Paletwa pehtlaihnak lam vialte kan phihkhar cang tiah an thanh.
