American Ralkap Nih Tuluk Sermi Phone Hman Lo Dingin Nawl A Chuah
TCP-Thantlang| 2018 May 5| Humhim ral i vennak kongah American ralkap hna nih Tuluk sermi Phone Huawei le ZTE hman lo ding in April thla dongh ah American ralkap bawizik nih nawl a chuah.
Phone tonghtham ruangah ralkap hna caah a herh lo mi humhimnak lei ah ral pakhat a si kho tiah American ralkap bawi nih a chim. Mah lawng si lo in hi phone cu American ralkap an umnak hmun paoh ah zuar khawh zong a si lai lo tiah a chim chih.
Atubantuk in Tuluk ser phone hman lo dingin a khamnak cu humhimnak lei caah a tha lo ti lawng a si nain Technology lei fimthiamnak lei dikthlir tak cu a chim lo. Asinain Newyork Street Journal chimning ah cun American ralkap hna nih Tuluk sin ah a thli in thil an tuah sual lai ti a phan caah a si tiah an tial.
Ref: RFA Burmese
About The Author
