CACC nih Chin Miphun Ni Conglawmhnak timi tlangtar in capar ṭial zuamnak an tuah
The Chinland Post | 2023 February 17 — Chin Association for Christian Communication (CACC) nih Chin Miphun Ni kong he pehtlai in capar ṭial zuamnak an tuah tiah thawng theih a si.
CACC nih 2022 December 15 thawk in capar ṭial zuamnak cu an thawk i Marks petu hna ah Salai Van Lian Thang (Denmark), Salai Van Biak Thang, Saya Bawi Tawng le CACC Literature and Publication Secretary Rev. Holly Ram Hmun hna an si tiah theih a si.
Capar ṭial zuamnak hi kum 35 tang minung hna an i tel kho i Mark pek daan ah hin CND kong ah Marks 50, a caṭial mi hnuhmai aa pehtlai maw, biafang hman a thiam maw ti mi ahkhan Marks 15, charhchan a ngei maw ti mi ahkhan Mark 15 le CACC Laica ṭial ningcang a zul maw zul lo ti mi ahkhan Mark 20 tiah a zapi te Mark 100 in zuamnak an tuah hi a si tiah theih a si.
Tutan capar ṭial zuamnak hi CACC Literature and Publication hruainak in tuah mi a si tiah CACC upa pakhat nih The Chinland Post ah a chim.
Capar ṭial zuamnak ah laksawng a hmu mi hna cu
1) Pakhatnak: Pastor Van Tling Thang (200,000MMK + Roca)
2) Salai Cung Lian Thang (150,000MMK + Roca)
3) Pastor John Van Siang Lian (100,000MMK + Roca)
4) Salai Chan Hnin Thang (30,000MMK + Roca)
5) Salai Za Thawng ( 25,000MMK + Roca) hna an si tiah theih a si.
About The Author
