CDF-Asho Nih SAC Ralkap An Kah Hna, 1 A Thi
The Chinland Post | 2024 May 31 — Magway ramṭhen, Ngape khuah mipi pawl a namneh lengmang tu SAC ralkap pawl cu May 30 ah CDF-Asho nih an kah hna i SAC ralkap pakhat a hmun ah a thi, a hman mi MA zuun 1 le kuanzen cheukhat an lak khawh tiah CDF-Asho nih thawng an thanh.
Magway ramṭhen, Ngape khua um kah-pah-sah (ကပစ) sakhaan cu May 30 zinglei sml 7:30am ah an va kah hi a si.
Magway ramṭhen, Ngape peng, Shaukdaw khua pawng um ကပစ ၁၄ ah a um mi SAC ralkap pawl nih Ngape peng Taungpaw khuakomh cu thil cawknak nawl ri an khiah piak hna, gate an tan tikah a ruang um lo in tangka tampi an hal hna caah an kah hna hi a si tiah theih a si.
