Donald Trump Le Kim Jong Un Hmaitonh In An I Tong Lai
A woman walks by a huge screen showing a news program reporting U.S. President Donald Trump and North Korea's leader Kim Jong Un in Tokyo, Friday, March 9, 2018. (AP Photo/Koji Sasahara)
TCP-Onlien| 2018 March 10| N. Korea ram hruaitu Kim Jong Un nih US President Trump cu hmaitonh in biaruah le ton a duhnak kong S.Korea ram kuzale (representative) minung pahnih nih bia an chuahpi tikah President Trump zong nih cuti Kom Jong Un nih ton a duh ti a theih ve tikah tukum May thla dih hlan ah hmaiton ton ding in a chim ve.
N. Korea nih Nuclear hriamnaam cu pehzulh in tuah ai timh ti lonak kong hna bia a thang. Hiti bia a than tikah vawleicung ram tampi nih cun an zum kho lo. British minister hlun Lord Owen nih cun N. Korea nih Nuclear hriamnaam pehzulh in a tuah ti lonak hnga US le Tuluk nih Nuclear hriamnaam kong ah biahren fek an ngeih ve a herhnak kong a chim.
President Trump le Kim Jong Un hmaitonh in an i tonnak ding cu N. Korea lei in mualmal te le dingfel in rian an tuanmi mi kan hmuh hlan chung paoh cu Trump nih Kim hi a tong lai lo tiah US innrangpi in chimrel khawhnak ngeitu Sarah Sanders nih a chim.
Trump le Kim cu an pahnih hmaitonh in biaruahnak tuah an duh veve tikah, zeitik an i ton te lai i khuazei hmun ah dah tonnak zong tuah an si te lai ti cu theih a si rih lo.
Ref:VOA
About The Author
