July 25, 2024

Donald Trump Nih Ton Ding A Cohlan Hnu In Kim Jong Un A Dai

0

Aung Aung| 2018 March 13| N. Korea uktu Kim Jong Un nih US President he ton ka duh tiah a chim mi cu President Donald Trump nih ka lung a tling kan i tong lai tiah a leh hnu in tu tiang hi N. Korea lei in zeihmanh a ni caan kong ti bantuk zong ah an holh ti lo tiah ramdang pehtlaihnak minister Rex Tillerson nih a chim.

Anmah lei kap in zeital dengteo in an chim mi um hnga maw tiah an hngah ko hna nak kong zong ah US ramdang pehtlaihnak minister pa nih cun a chim.

Hi tonnak cu N. Korea nih tikulh ah a chiahmi Nuclear lak than ding kong a si i tu tiang ah N. Korea lei in zeihmanh biafiang an chim lomi kong tu ah cun Rex Tillerson hi a zei poi dawh a si lo.

Nai te ah a hung um mi thanchonak pakhat a si. Zeitik ah kan i tong lai, khuazei ah timi le zei tiang dah bia kan i ruah lai ti bantuk pawl kong ah hnalaknak le tuah dingmi thil tampi a um lai. A thawk ka a si, a tuan tuk rih caah biahal nak paoh leh dih ding cu a har lai ti ka hngalh ko. Lungsau tein kan um lai, pehzulh in zeidah a cang lai timi kan hmuh te ko lai tiah Rex Tillerson nih cun a chim.
Ref: VOA

About The Author

Na ruahning rak langhter ve.. (Leave a comment)