Dr. Sa Sa Nih Pathum Faphir Min Aa Sak

0

Dr.Sasa

Salai Josephbawi| The Chinland Post, 2020 March 6 — Chin ramkulh Hakha ramkulh ngandamnak zung riantuan Pi Zai Par nih faphiar pathum (nu-2, pa-1) cu March 5, 2020 Hakha siizung siibawi le nurse hna operation in a ngei tiah thawng kan theih.

Cu a ngeihmi cu Health & Hope Dirhtu le Lutlai simi Dr. Sa Sa nih a nu paw chung a um lio in min aa sak cang tiah theih a si.

Faphir pathum min cu Bible ca chung min char in a chuak hmasabik nu cu Martha, pahnihnak cu Mary le a pathumnak pa cu Lazaru tiah Dr. Sa Sa nih min a sak hna hi a si.

Martha cu pound 5, Mary hi pound 4.5 le Lazaru hi pound 4.5 cio an rit hna tiah theih a si.

“Faphir pathum a si lai tiah Hakha siizung result an theih cia hnu ah Dr. Sa Sa min kan sakpiak an ti i Mary, Marta le Lazaru a si hi a si. Dr. Sa Sa hringtu a nu hi Pi Zai Par i tleicia a nu le chung a si” tiah a chungkhar nih The Chinland post ah an chim.

“Faphir pathum ka ngeih hi Pathian thawng a si ko. Operation a si tikah ka re a theituk lo. Ngakchia an ngandamnak caah thlacam kan bawm cio ko u” tiah Pi Zai Par nih The Chinland Post ah a chim.

Pi Zai Par cu Thantlang peng Leitak Zipi khuami Pu Vai Hup le Pi Tial Sung an fanu a si i Hakha ramkulh ngandamnak zungah zungthianhtu in rian a tuan cuahmah lio a si.

Hringtu a nu taktak Pi Ma Sui Khin(tleicia) a si i Pi Zai Par kum (2) a si ah a thihtak. Pi Zai Par cu a va Pu Sui Er he fanu pakhat le fapa pakhat an ngei i a tu faphir he cun fa (5) an ngeih hi a si. +++

About The Author

Na ruahning rak langhter ve.. (Leave a comment)

%d bloggers like this: