Facebook ah post a tartu Kalay khuami pakhat an tlaih
The Chinland Post | 2022 September 9 – Sagaing ramṭhen, Kalaymyo, Aungthittsa sang ah a ummi pa pakhat cu SAC ralkap nih September 6 an an tlaih tiah theih a si.
An tlaihmi U Tha Htun Lin cu SAC ralkap nih Kalaymyo ralkap Headquarters ah an kalpi i a chungkhar nih an pehtlai kho rih lo tiah theih a si.
U Tha Htun Lin cu Facebook cungah mipi tampi hna lauter khawhnak thawngpang dik lo a thanh tiah kan theih caah kan tlaih tiah SAC lei nih a thanh.
Hramhram in uknak lak a si hnu Kalaymyo ah tlaih a tongmi 600 hrawng an um cang i kahthah a tongmi 100 leng an um cang tiah Strike phu cazin in theih a si.
About The Author
