Hakha ah Passport sawk khawh ṭhan a si cang
The Chinland Post | 2023 February 27 — Chin ramkulh, Hakha khua ah February 27 thawk in Passport sawk khawh ṭhan a si cang tiah theih a si.
Hakha Passport zung ah na sawk a si ahcun a hlan kan nikhat in လျှောက်လွှာ lak a si lai i nikhat ah minung 100 lawng an cohlan hna tiah theih a si.
Passport zung awn ṭhannak ni ah a sawk mi 400 leng an si i nikhat ah minung 100 lawng cohlan a si caah tampi an kir ṭhan tiah theih a si.
National Identity Card 4/ aa tlaih mi lawng siloin Sagaing ramṭhen Kalay peng, Tamu peng le Gangaw peng in 5/ aa tlaih mi zong sualnak a ngei lo ti mi fehternak le a um taktak ko ti mi fehternak he rak sawk khawh a si tiah theih a si.
Passport sawk tik ah a hlan ahcun 40,000 a dih nain atu ahcun 50,000 a dih cang tiah theih a si.
SAC nih ramchung passport zung vialte January thla hramthawk hrawng in a khar i February 24 thawk in a awn ṭhan cang.
Myanmar ram ah hramhram in uknak lak a si hnu ah ramchung rian a har i sipuazi lei harnak tampi ton a si caah innpa ram hna ah rianṭuan le sianginn peh a duh mi an tam.
About The Author
