Hakha khua KBZ bank manager nu thong kum 5 thlak ding in bia an khiah
The Chinland Post | 2023 January 3 – Chin ramkulh, Hakha khua KBZ bank manager nu Daw Zar Chi Nyein cu Hakha biaceih zung nih 2022 December 30 ah thong kum 5 tlak ding in bia an khiah tiah theih a si.
Daw Zar Chi Nyein an tlaih ti mi thawng hi a dik ko i atu hi Hakha palek sakhaan ah an hren lio a si tiah min langhter a duh lo mi nih RFA ah a chim.
Daw Zar Chi Nyein nih SAC dohnak ca cheukhat pawl a social cung ah a langhter bantuk in a phone chung zong ah duhlonak langhter mi hmanthlak pawl an hmuh caah 2022 June 5 SAC nih an rak tlaih.
Cu hnu ah Daw Zar Chi Nyein cu thong kum 3-7 tiang thlak khawh a si mi sualphawtnak 52 (A) leng ah thong kum 2 tiang thlak khawh a si mi Sualphawtnak 505 in taza an cuai tiah theih a si.
About The Author
