July 24, 2024

Hakha khuachung ah Zarhte Ni, Zarhpi Ni pumh caan SAC sin ah nawl hal a hau ti lo

0

The Chinland Post | 2023 February 21 — Chin ramkulh, Hakha khuachung ah zarhte ni le zarhpi ni caah pumh caan le adang dang program caah SAC sin ah a hlan kan in nawl hal a hau ti lo tiah HCMF sin in thawng theih a si.

Hakha khuachung ah zarhpi ni pumh caan le adang program pawl caah zinglei sml 7:00am in zaanlei sml 4:00pm tiang caan awnh a si i zarhte ni pumh, hlacawn le adang dang program pawl caah zinglei sml 11:00am in zaanlei sml 4:00pm tiang caan awnh a rak si.

Cubantuk cu Hakha khuachung biakinn pawl ca lawng ah a si i zarhte ni le zarhpi ni caah khuabawi sin nawl hal hau ti lo in rikhiah mi caan chung ah zalong tein i pumh khawh a si cang tiah theih a si.

Sihmanhsehlaw adang chiatni ṭhatni kong pawl ahcun a hlan rak thanh ning tein ni 5 hlan ah theihternak tuah ding, chiatni caah HCMF upa pawl bawmhhal khawh a si tiah theih a si.

About The Author

Na ruahning rak langhter ve.. (Leave a comment)