Hakha Peng in NLD MP Aa Cuh Ding Minung Aa Fiang| NLD Hakha ကိုယ်စားလှယ်လောင်းများ

0

2020 Myanmar Election Hakha NLD Candidate/ TCP

Salai Josephbawi| TCP-Hakha| 2020 June 12| Chin ramkulh Hakha peng National League for Democracy (NLD) in 2020 Kawlram thimnak ah Member of Parliament (MP) aa cuh ding cu Hakha Peng NLD Executive Committee (EC) minung 19 le NLD thimmi Khuanu khuapa minung (5) an zapi minung (24) nih June 11 ni Hakha NLD zungah cuh ding timtuahnak a ngeimi zohfelnak le June 12 ni ah aiawhtu minung thimnak an ngei i a tanglei bantuk in Hakha NLD MP aiawhtu an thim hna tiah theih a si.

  • Pyithu : Pu Tial Ling
  • Amyotha No. 1: Dr. Aye Aye Ngun
  • Amyotha No. 2: Pu Ngun Vung
  • Ramkulh (Pyine) No. 1: Pu Zo Bawi
  • Ramkulh (Pyine) No. 2: Pu Sui Thio thim an si.

A cunglei an izuamning le thimning cu a tanglei bantuk a si.

  • Pyituh Constituency Pu Siang Hu le Pu Tial Ling an izuam (Pu Tial Ling thim a si)
  • Amyotha Constituency No. 1 in Pu No Al, Pu Ngun Hei le Dr. Aye Aye Ngun (Dr. Aye Aye Ngun thim a si)
  • Amyotha Constituency No. 2 in Pi Iang Tial, Pu Thla Hre le Pu Ngun Vung ( Pu Ngun Vung thim a si)
  • Pyine Constituency No. 1 in Pu Zo Bawi, Pu Moses Thla Cung le Pi Hoi Sung (Pu Zo Bawi thim a si)
  • Pyine Constituency No. 2 in Pu Sui Thio, Pu Sunny Thang Cung le Pu Lian Ceu ( Pu Sui Thio thim a si)

 

NLD in Thantlang peng ai-awh in aa cuhding thimnak zong June 12 – 13, 2020 ni ah a tanglei bantuk in an tuah lai tiah kan theih.

  • Ramkulh (Pyine) No.1 Pu Chan Ham, Jacob Thang, Pu Thla Cung le Pu Steven Van Bik
  • Ramkulh (Pyine) No. 2 Pi Ni Sui Lian, Pu Sui Kar Lian
  • Amyotha Hluttaw ah Henry Van Thio, Pi Sui Ca
  • Pyithu Hluttaw caah  Pu Van Za Li le Pu C Za Cung hna an si.

 

Thantlang in NLD Party chungtel pakhat nih, “Nihin cu MP cuhding min aa pe mi biachimnak an kan ngeihter. Biachim dih in biahalnak an kan tuah. Thaizing chun sml 11:30 ah MP aa cuhding result chuak lai. Henry Van Thio zong Phone in a rak kan chawnh i Amyotha ah cuh a duhnak kong a kan chimh ve,” tiah The Chinland Post ah a chimA cunglei langhter mi hi Hakha peng NLD nih thimnak luh ding (ticket pek) in an thim hna i NLD Central Committee nih fehternak a tuah lai tiah kan theih.

 

2015 Rampi thimnak ah MPs Thantlang le Hakha in tlingmi hna cu Hakha in Ramkulh (Pyine) Hluttaw ah Pu Zo Bawi le Pu Sui Thio, Amyotha in Pu Ngun Hei le Salai Siangawr Vanhnin le Pyithu in Pu Joseph Hniar Uk an si i, Thantlang in Pyine Hluttaw ah Dr. Hmuh Thang le Pu Van Thawng, Amyotha ah Pu Henry Van Thio le Pyithu Hluttaw in Pi Ni Sui Lian hna an si. Thantlang in Amyotha Hluttaw Pu Henry Van Thio cu Vice-president rian khinh a si caah, amah aiawhnak hmun caah caankar thimnak tuah a si i Pu Bawi Khing nih teinak a rak hmuh. #

About The Author

Na ruahning rak langhter ve.. (Leave a comment)

%d bloggers like this: