Hpruso kahdohnak ah hliam a tuar mi hriamtlai J Rain a nunnak a liam
The Chinland Post | 2022 December 8 – Karenni ram, Hpruso khuachung kahdohnak ah hliam a tuar mi J Rain cu a nunnak a liam tiah KNDF battalion 4 nih December 8 ah a thanh.
“Hmunhma zohfelnak kan ngeih lio i kahdohnak ah bom aa lam sual i hma a fak tuk in a tuar hnu ah a nunnak a liam” tiah KNDF hriamtlai 1 nih People’s Spring ah a chim.
Cun SAC dohnak caan chung vialte chung sh KNDF battalion 4 in a hmasa bik nunnak a liam mi a si tiah a chim fawn.
Hriamtlai J Rain hliam a tuar ni hi December 4 Hpruso kahdohnak ah a si.
Kahdohnak a fak i SAC ralkap lei in a thi mi zong an umnak Demoso kahdohnak zong ah hriamtlai pakhat a nunnak a liam tiah KNDF battalion 6 nih an thanh ve.
About The Author
