Kahdohnak um lo piin Mindat ah SAC nih vanlawng in bom a thlak
The Chinland Post | 2022 September 21 – Chin ramkulh, Mindat peng September 20 zaanlei ah kahdohnak um lo piin SAC ralkap nih vanlawng in bom a thlak tiah theih a si.
SAC ralkap nih vanlawng in bom a rak thlaknak hmunhma hi Mindat-Matupi lam mengtung 16 pawngkam hrawng ah a ummi khuate lei ah a si tiah theih a si.
September 20 zaanlei sml 4 hrawng ah Mindat peng, khuate pakhat cu SAC vanlawng nih bom a rak thlak. A rawkmi a um le um lo cu kan hlathlai lio a si tiah Mindat mipi uknak phu nih an langhter.
A luancia July 2 zong ah Mindat peng ah a ummi Chet khua ah SAC nih vanlawng 2 in bom a rak thlak caah mipi inn, biaknak le sianginn hna a rak rawk. Cun cu kahdohnak ruangah CDF hriamtlai 3 an nunnak a rak liam i hngakchia le upa pum tlamtling lo zong an rak i hliam.
Hmanthlak – SAC nih bom a rak thlakmi Chet khua
About The Author
