July 24, 2024

Kalay ah kahdohnak a chuak, SAC lei ralbawi 1 a thi

0

The Chinland Post | 2023 February 8 — Sagaing ramṭhen, Kalay peng ah SAC ralkap le CDF-KKG karlak ah kahdohnak a chuak i SAC ralbawi 1 a thi tiah CDF-KKG sin in thawng theih a si.

February 6 ah Kalay peng thlanglei ah a um mi SAC ralkap nih hmunhma an khuarnak Yangyiaung sakhaan le Myauksii sakhaan in SAC ralkap le pyusawhtee 20 hrawng cu rianṭuan caan i thlen ding in an rak chuah lio ah CDF-KKG he kahdohnak a chuah hi a si tiah theih a si.

Cu SAC ralkap pawl he kahdohnak a chuah hnu ah Gangaw peng lei in ralkap le pyusawhtee 100 hrawng nih Kabarni hlei lei in hriamngan he meithal he kah an bawmh hna i kahdohnak chung ah SAC ralbawi 1 a thi, amah hi Myauksi palek sakhaan in bo 2 bawi Han Htet a si tiah an chim.

CDF-KKG hriamtlai phu zong kahdohnak chung in him tein an kir kho tiah CDF-KKG nih a thanh.

About The Author

Na ruahning rak langhter ve.. (Leave a comment)