KNU hmunhma January thla chung kahdohnak ah SAC lei in 337 an thi, KNU Brigade 5 hmunhma February 15 tiang ah SAC ralkap 28 an thi
The Chinland Post | 2023 February 21 — KNU hmunhma chung January thla chung kahdohnak pawl ah SAC lei in 337 an thi i KNU Brigade 5 hmunhma February 15 chung ah SAC ralkap 28 an thi tiah KNU Brigade 5 thawngzamh nih a langhter.
2023 February thla chung ah Karen ram chung ah a um mi SAC ralkap pawl le KNU/KNLA phufonh hna karlak ah kahdohnak voi 333 a chuak i SAC ralkap 337 an thi, 280 an i hliam i KNU/KNLA phufonh lei in 24 nih ram le miphun caah an nunnak an pek i 75 an i hliam tiah an thanh.
Cubantuk in February 1-15 tiang SAC ralkap le KNLA Brigade 5 kuttang phu karlak ah kahdohnak voi 91 a chuak i SAC ralkap 28 an thi, 11 an i hliam, KNLA ralkap 1 a hliam ve tiah an thanh. SAC ralkap pawl nih Tabawkawdene khuami Saw Maung Nu cu a ruang um lo in an kahthah tiah theih a si.
SAC nih Kahdohnak Helicopter in khuate pawl, sianginn pawl, lei le lo lak ah bom lung 40 leng a thlak i SAC ralkap pawl nih hriamngan lung 18 an kah caah sianginn, mipi inn, le adang dang inn 26 a ciam tiah sn thanh.
About The Author
