KNU Hmunhma Kum 2 Chung Ah kahdohnak Voi 8,038 A Chuak I SAC Ralkap 6,876 an thi, 5,519 An I Hliam
The Chinland Post | 2023 February 16 — SAC nih hramhram in uknak a lak hnu 2021 February 1 in 2023 February 1 tiang kum 2 chung KNU hmunhma ah kahdohnak voi 8,038 a chuak i SAC ralkap 6,876 an thi, 5,519 nih hliam an tuar tiah KNU nih February 6 ah a thanh.
KNU Brigade 1 hmunhma chung ah SAC ralkap le KNLA, KNDO, Drone phu, PDF phufonh hna karlak ah kahdohnak voi 801 a chuak i SAC ralkap 1,526 an thi, 1,342 an i hliam tiah a langhter.
Brigade 2 hmunhma ah kahdohnak voi 277 a chuak i SAC ralkap 505 an thi, 201 nih hliam an tuar tiah theih a si.
Cu bantuk in Brigade 3 hmunhma ah kahdohnak voi 525 a chuak i SAC ralkap 606 an thi, 393 an i hliam tiah an thanh.
KNU brigade 4 hmunhma ah kahdohnak voi 131 a chuak i SAC ralkap 259 an thi, 249 an i hliam.
Brigade 5 hmunhma zong ah kahdohnak voi 5,638 an chuak i SAC ralkap 2,760 an thi, 2,340 nih hliam an tuar tiah KNU cathanh chung ah hmuh khawh a si.
KNU Brigade 6 hmunhma ah kahdohnak voi 666 a chuak i SAC ralkap 1,220 an thi, 994 an i hliam.
Kum 2 chung KNU hmunhma ah a chuak mi SAC ralkap le KNLA, KNDO, Drone phu, PDF phufonh hna karlak kahdohnak ah mipi hriamtlai lei in 219 nih ram le miphun caah an nunnak an pek i 605 nih hliam an tuar tiah KNU cathanh chung ah hmuh khawh a si.
About The Author
