KNU Nih Thla 6 Chung Ah SAC Ralkap 300 Hrawng An Thi Tiah A Thanh
The Chinland Post | 2024 July 2 — KNU nih a tlaihnak, Bago ramṭhen, Nyaunglaybin pengkomh ah KNDO le SAC ralkap karlak 2024 January thla in June thla dongh tiang thla 6 chung kahdohnak ah SAC ralkap 273 an thi i 151 an i hliam tiah KNU Headquarters nih July 1 ah a thanh.
KNU Brigade 3 hmunhma chung, KNDO Battalion 3 hmunhma a si mi Nattankwin-Kyaukgyi-Muthay in Hpapun pengkomh Brigade 5 hmunhma tiang SAC ralkap he thla 6 chung ah kahdohnak voi 100 hrawng a chuak tiah an langhter.
Kahdohnak chung ah SAC ralkap nih thilphorhnak ah an hman mi rang 62 an thi i 40 leng an i hliam bantuk in ralkap mawṭaw 3 le cycle 7 a rawk tiah an ṭial.
Kahdohnak chung ah KNU lei chungtel 4 an nunnak a liam i 17 an i hliam tiah an ṭial.
Hramhram in uknak lak a si hnu 2021 in 2024 May thla tiang KNU hmunhma chung ah innlo a zaamtak mi mipi sing 10 leng an um cang i cu chung ah Nyaunglaybin pengkomh ah sing 5 in a tam bik an si tiah KNU nih June 20 ah a thanh.
About The Author
