Konetha khua kahdohnak ah SAC ralkap 5 an thi tiah KRU nih a thanh
The Chinland Post | 2022 December 9 – SAC ralkap phu 3 in an rak luh caah kahdohnak a chuak i SAC ralkap 5 an thi tiah Karenni Revolution Union (KRU) nih December 9 ah a thanh.
KRU cawlcanghnak hmunhma a si mi Demoso peng, Konetha khua cu SAC ralkap nih phu 3 in December 6 zaan sml 11:45pm ah an rak luh caah kahdohnak a chuah hi a si.
Kahdohnak chung ah bomrap an hmanh mi pawl an i lamh caah SAC ralkap 4 an thi i tampi an i hliam, a naih tein kahdohnak chung ah 1 a thi chap tiah KRU nih an feh ter.
Kahdohnak ruang ah hriamtlai 5 an tlau i an kawl hna tik ah hliam a rak tuar mi 4 an hmuh khawh hna nain adang 1 cu a tlau rih ko tiah an thanh.
About The Author
