Kyainseikgyi ah Infantry 32 cu Drone in bom an thlak hnawh hna i an inn pawl a rawk, Lieutenant 1 le adang pakhat an thi

The Chinland Post | 2022 October 17 – Karen ram, Kyainseikgyi peng ah hram a bunhmi Infantry 32 tual chungah Drone in bom an thlak hnawh hna i Lieutenant pakhat telh in Lt. Sergeant Kyaw Sua Moe an thi i an inn pawl a rawk tiah thawng theih a si.

October 16 zinglei sml 1:41am hrawngah Red Dragon phu, KNLA phu le FEDERAL WINGS phufonh hna i Kyainseikgyi khua Infantry 32 tual chungah Drone in 81 MM le 60 MM hna an thlak hnawh i Captain 1, Sergeant 1 le adang ralkap 1 hna an thi tiah Red Dragon phu nih a thanh.

Ralkap leiṭang thawng pawl nih cun ralkap pawl an thih lengah inn pawl a rawk i rianrang in an remh tiah an ṭial.