Loikaw-Pekon lamcung kahdohnak ah SAC ralkap 5 an thi, Pekon PDF chungtel 1 a nunnak a liam
The Chinland Post | 2023 February 6 — Karenni ram, Loikaw-Pekon lamcung kahdohnak ah SAC ralkap 5 an thi i Karenni phufonh lei in 1 a nunnak a liam tiah Pekon PDF B02 nih February 5 ah a thanh.
Karenni peng ah a rak lut mi SAC ralkap pawl cu February 4 zaan sml 10:30pm hrawng ah Pekon PDF B02, KNDF B03 le URF phufonh nih an kah hna.
Kahdohnak chung ah SAC ralkap lei in 5 an thi i 9 nih fak ngai in hliam an tuar tiah Pekon PDF B02 nih a fehter.
Pekon PDF B02 in hriamtlai David a nunnak a liam i adang KNDF hriamtlai 2 an i hliam tiah an thanh.
Kahdohnak chung in SAC ralkap nih Loikaw khua, Warikawsu khuate lei ah hriamngan an kah i biakinn telh in mipi inn 20 leng a rawk tiah theih a si.
About The Author
