Martial law an thanhnak Chin ramkulh khua hna ah zaan chuah lo ding tiah nawl an chuah
The Chinland Post | 2023 February 6 — Chin ramkulh i ralkap uknak (Martial Law) a thanhnak khua hna ah zaan sml 6:00pm in zinglei sml 6:00am tiang a leng chuah lo ding tiah February 5 thawk in SAC ralkap nih Loudspeaker in an au i an thanh.
Cun zinglei sml 6:00am in zaanlei sml 6:00pm tiang zong ah minung 5 nak in i but, cawnpiaknak, i chawhvahnak hna nan tuah lo ding tiah an au.
Hakha khua zong ah SAC nih an thanh mi Article 144 ruang ah biaknak lei le ngandamnak lei thil pipa ton tikah lungrethei a si tiah Khuami pakhat nih a chim.
“Zaan chuah lo ding, mi a bu in um lo ding timi hna hi a biapi mi chiatni, ṭhatni a um tik ah zeitin dik kan tuah te hnga. Chin ram ah, chiatni, ṭhatni leng in Biakinn i pumh zong a har dawh mi dirhmun a si” tiah a chim.
Tedim, Tonzang, Falam, Hakha, Matupi le Kanpetlet khua hna cu SAC nih Article 144 in zaan chuah lo ding tiah nawl a chuah.
About The Author
