April 28, 2025

Matupi khuapi ah SAC ralkap nih Helicopter in hriam a rak chap

0
Matupi ah hram a bunhmi Byu-Ha_FB

The Chinland Post | 2022 September 5 – Chin ramkulh, Matupi peng ah a ummi SAC 140 battalion le byu-ha katlak ah SAC ralkap nih Helicopter 1 in September 3 ah hriam le eidin a rak chap tiah theih a si.

Matupi peng chungah Helicopter a luh hnuin khua luhchuahnak gate pawl himnak an rengh tiah theih a si.

Tutan Helicopter nih cacawnnak thilri le cozah rianṭuantu thar pawl a phorh lai tiah Non CDM pawl an i ngaih tuk nain zung lei thilri phor loin hriam khat tein a rak phorh tiah theih a si.

Matupi peng in nelrawn lei ah aa ṭhial ding pawl cu lam himnak ruangah atutiang an i ṭhial kho rih lo i uknak lei pengkomh bawi amah pumpak zong ṭhialkam kho loin Matupi khua ah a tap nak hi thla 4 a si cang tiah theih a si.

Leave a Reply

Your email address will not be published. Required fields are marked *