Matupi peng chung khuate hna ah SAC nih khuabawi kan thim lai tiah a thanh
The Chinland Post | 2023 February 8 — Ralkap uknak thanh a si ve mi Chin ramkulh, Matupi peng chung khuate pawl ah SAC nih khuabawi a thim lai tiah thawng kan theih.
Matupi peng chung ah a um mi khuate zapi cu CDF-Matupi kuttang ah a um ko nain SAC nih khuabawi kan thim lai tiah a chim mi hi nihchuak a lo tiah khuami pakhat nih Zalen ah a chim.
Atulio Matupi khuachung ah sanguk bawi a ṭuan mi cheukhat hmanh minlang in an ṭuan ngam lo tiah a chim. Lawngvan sang ahcun sanguk bawi a ṭuan duh mi an um lo caah cozah pension pawl zong sang cazi ah SAC ralkap nih a hman hna tiah theih a si.
Matupi khua January 5 zaanlei ah SAC ralkap nih minung 2 an tlaih hna tiah theih a si. Matupi khua ah ralkap uknak an thanh hnu in zaanlei fatin mawṭaw 3 in khua an hel i zaan 6:00pm in zinglei 6:00am karlak ah aa chawk mi an tlaih hna i Sanbaung sang mipi 2 an tlaih cang hna tiah theih a si.
About The Author
