Min Aung Hliang Loikaw A Kal Lio Ah KNDF Nih An Kah
The Chinland Post | 2024 September 4 — Hramhram in uknak a latu SAC hruaitu General Min Aung Hliang cu September 4 ah Karenni ram, Loikaw khua a kal lio ah KNDF nih 120MM in an kah tiah KNDF Deputy Commander In Chef Marwi nih People’s Spring ah a chim.
“SAC ralkap sin in kan lak mi 120MM in Gen. Min Aung Hliang cu kan kah hi a si” tiah People’s Spring ah a chim.
“A ra lai timi thawngpang kan theih cia caah KNDF hriamngan phu kha kah ding in nawl ka pek hna” tiah a chim chap.
SAC hruaitu Gen. Min Aung Hliang cu Loikaw a phak ka te ah an kah hi a si i SAC ralkap pawl aa hliam mi an um ko nain a fiang in theih a si lo tiah People’s Spring nih cun a langhter.
SAC lei thawngzamh MRTV nih cun Gen. Min Aung Hliang cu Loikaw khua um ROC ah hmunhma a daih le daih lo zohfelnak a ngei tiah a thanh. Cun Kayah ram SAC cozah hruaitu pawl, zung kip upa pawl le khuanu khuapa pawl he tonnak a ngei tiah an langhter.
Cucaah SAC hruaitu Gen. Min Aung Hliang cu aa hliam lo tiah chim khawh a si.
About The Author
