Mindat ah aa chawk mi SAC ralkap an kah hna, 3 an thi, 2 an i hliam
The Chinland Post | 2022 December 14 – Chin ramkulh, Mindat khua pawng ah a um mi SAC Infantry 274 he meng tlawmpal aa hlatnak ah a chawk mi SAC ralkap pawl cu an kah hna i SAC ralkap a thi mi an um tiah CDF-Mindat sin in thawng theih a si.
Thazang 20 hrawng in mi a ngia mi SAC ralkap pawl cu December 13 chun sml 2:30pm hrawng ah Mindat he meng 5 le furlong 5 aa hlatnak ah an kah hna i SAC ralkap 3 an thi, 2 an i hliam tiah CDF-Mindat nih a thanh.
Kah a tong mi SAC ralkap pawl nih khuate lei ah hriamngan an kah, CDF-Mindat hriamtlai pawl zong an him tiah a thanh.
About The Author
