Mindat Peng Ah SAC Nih Vanlei In Bom Lung 17 A Thlak, Hngakchia 1 le Upa 1 An Thi, 7 An i Hliam
The Chinland Post | 2023 April 17 — Mindat peng, Pan khua, April 16 ah SAC nih bom lung 17 a thlak caah upa 1 le hngakchia 1 an nunnak a liam i minung 7 an i hliam tiah CDF-Mindat nih a thanh.
April 16 zaanlei sml 3-4pm kar ah voi 6 a thlak i kum 70 nu pakhat le kum 4 hngakchia 1 an nunnak a liam tiah an langhter.
Cu leng ah pa 2, nu 5 tiah an zapi 7 an i hliam i mipi inn 2 a rawk.
Mindat khua hrambunh SAC Infantry 274 nih khuate lei tinh in hriamngan an kah thlorh hi a si tiah an langhter.
Cucaah mipi hna nih mah pumpak himnak caah bom khor i cawh cio ding in CDF-Mindat nih an thanh.
April 7 zinglei in zaanlei tiang CDF-Mindat phufonh le SAC ralkap karlak ah kahdohnak a rak fak i SAC lei 15 an thi tiah theih a si.
About The Author
