July 25, 2024

Moebye ah SAC ralkap 2 CDM an tuah

0

The Chinland Post | 2023 March 1 — Kayah ram, Moebye peng hriamtlai a si mi MBPDF 1001 sin ah SAC ralkap 2 hriam lo in CDM an tuah tiah MBPDF nih a thanh.

February 23 ah Pekon peng, LIB 336 in ralkap Mg Kyaw Htet le February 25 ah Shwenyaung hrambunh SAC battalion 222 in ralkap Mg Aung Naing Oo hna cu MBPDF 1001 an pehtlaih hna i CDM an tuah hi a si.

Ralkap chung namnehnak, ralram ah eidin ṭha tein pek lo ruang, lahkah pek lo ruang, chungkhar he tonnak nawl pek lo ruang, mipi himnak kan pek hna lai ti mi biakamnak an buar ruang, mipi innlo an khangh mi hna celh lo ruang ah MBPDF sin ah CDM an tuah hi a si tiah an thanh.

About The Author

Na ruahning rak langhter ve.. (Leave a comment)