Myanmar Kong Humhimnak Council Biachahmi Ahran Tuluk A Lungtling Lo
Wide view of the Chamber during the meeting.Implementation of the note by the President of the Security Council (S/2010/507)
Salai Aung Aung| 2018 May 10| UN Humhimnak Council nih Myanmar nih Rohingya cungah an tuahmi sualnak kong cathanh chuah ding an ceihnak ah a hmual fak tuk mi biafang pawl hman ding Tuluk a hna tla lo tiah theih a si.
Rohingya Muslim pawl Myanmar Tatmadaw nih “ralhrang bantuk in an doh hna timi sualpuhnak he pehtlai in a langfiang i zumh a tlak mi hlathlainak tuah a herh” tiin Britain nih UN Humhimnak Council sinah biatung a chuah pimi cahrang cu Tuluk nih a hnon tiah Reuters thawngthanhnak nih an tial.
UN Humhimnak Council ah Veto power timi a sangbik nawlngeihnak a ngeimi ram 5 leng aa chang chang in chungtel a simi ram 10 nih Myanmar kong cu an ceih.
Nuhrin covo buarnak kong sualpuhnak kong i Britain nih a chuah pi mi biatung hrang cu Tuluk nih a hnon i Myanmar cozah nih Rakhine ramkulh thanchonak caah aa zuamnak hi ka conglawmhpi tiah a chim.
Humhimnak Council nih Myanmar le Bangladesh tlawng in Myanmar kong i an hmuhmi le an biachah mi kong cathanh chuah ding cu UN ah Veto power a ngeimi a zungzal chungtel ram 5, Tuluk, Russia, US, France le Britain an dihlak hnatlak hnu lawngah chuah khawh a si.
Ref: RFA Burmese
About The Author
