Myanmar ram mipi caah USA nih USD $ 50 Million a bawmh chap lai
The Chinland Post | 2023 February 17 — Myanmar ram ah innlo a zaamtak mi an karh chin ruang, hriamtlaih buainak le eidin a har chin thluahmah caah USA cozah nih USD $ 50 Million a bawmh chap lai tiah Yangon hrambunh American Embassy nih February 16 ah a thanh.
Cu bawmhnak cu USAID nih eidin le ngandamnak lei bawmhnak caah an pek lai tiah theih a si.
UN nih a thanh ning ah Myanmar ram mipi 17 million leng nih bawmhnak an herh tiah a chim. A luancia 2020 lio ah bawmhnak a herh mi Myanmar ram mipi hi 1 million hmanh an tling lo tiah a langhter.
Buainak a can cuahmahnak peng le ramṭhen kip ah UN World Food Program in kum 5 tang hngakchia, nau pawi lio nu, nau hnuk a dinh lio mi nu telh in minung 750,000 leng ṭhawnnak/ngandamnak pawl bawmh khawh a si lai tiah a langhter.
