Myinbya ah SAC ralkap 5 anmah hmanh mi bom lila nih a puah hna i an thi
The Chinland Post | 2023 January 23 — Rakhine ram, Minbya peng, Panmyaung khua pawng tlang ah hmunhma a khuar mi SAC ralkap pawl cu January 22 ah an hmanh mi bom a puak i 5 an thi tiah theih a si.
Taungpyu lei January 22 zaan sml 7:00pm hrawng ah SAC ralkap pawl rianṭuan caan an i thlen lio ah anmah hmanh mi bom an i lamh sual i a puak tiah DVB nih a langhter.
“A hlan ralkap pawl nih an hmanh tak mi bomrap kha a thar rak phan mi pawl nih an i lamh sual i a puak. 5 an thi tiah kan theih” khuami pakhat nih DVB ah a chim.
Atu bantuk SAC ralkap thihnak kong he pehtlai in SAC nih zeihmanh thawng a thanh mi cu a um lo.
About The Author
