Ngakchia Tlaihhremnak Kong Ahmuh Paoh Thihdan Pek Ding In India Cozah Nih A Fehter
City Hunter| 2018 April 24| Ngakchia tlaihhremnak ahmuh telh in zeidang tlaihhremnak kong i sualnak ahmuh a ngeimi paoh thihdan pek ding in India cozah nih a fehter cang.
Hi fehtermi dantatnak ning ah kum 12 tang ngakchia tlaihhrem tongmi ahmuh pawl cu sualnak lei upadi ning in dantat le biaceihpiak an si lai. A luancia zarh ahkhan India ram ah kum 8 ngakchianu tlaihhrem le thah a ton hnu ah India rampi ah lamzawhnak fakpi a chuak.
Sex lei kongkau serhsat, thlanglamhnak pawl caah cozah leikap nih a fekmi runvennak a kan tuahpiak lo ti in cozah zung ah fakpi in soiselnak an tuah. Mithah lainawnnak tampi cu thihdan pekmi pawl India ram ah a um ko nain ngakchia hna tlaihhremmi kong tu cu thihdan peknak a um lo.
2016 kum, kumkhat chung lawng ah tlaihhremnak ahmuh zapi 19000 hrawng a cang tiah hlathlainak tuahmi record ning in theih a si. Atu bantuk cozah nawlpeknak hi Prime Minister Modi hruaimi special meeting a dih hnu ah an thanhchuah hi a si.
Ref: BBC Burmese
About The Author
