July 25, 2024

Ngazun ah SAC ralkap mawṭaw bom an puah hnawh hna, 15 an thi

0

The Chinland Post | 2023 January 20 – Mandalay ramṭhen, Ngazun peng ah SAC ralkap mawṭaw mipi hriamtlai phu pawl nih bom an puah hnawh hna i SAC ralkap 15 an thi tiah Zarmany Guerrilla phu nih an thanh.

January 17 zinglei ah Ngazun peng, Japankyun khua ah a um mi mipi thilri, caw pawl i lak riangmang hnu ah mawṭaw 3, cycle 10 in a rak kir mi SAC ralkap pawl cu Thargin le Natgyi khua karlak ah mipi hriamtlai phu pawl nih bom an puah hnawh hna i SAC ralkap 15 an thi tiah a thanh.

SAC ralkap mawṭaw pawl cu mipi hriamtlai phu pawl nih bomrap lung 3 in an puah hnawh hna caah mawṭaw 2 lamthlang ah a tla tiah an thanh.

Bom puah hnawh an ton ruang ah SAC ralkap nih an pawngkam ah a um mi mipi pawl an tlaih hna leng ah minung pakhat an kah i a nunnak a liam tiah theih a si.

Tutan kahdohnak chung ah STF (Ngazun), MSPDF, 7stars Guerrilla, People’s Force le MN PDF hna bawm in an tuah mi a si tiah theih a si.

About The Author

Na ruahning rak langhter ve.. (Leave a comment)