Paungde ah SAC ralkap bomrap an puah hnawh hna, 4 an thi i 3 fak pi in an i hliam
The Chinland Post | 2023 January 17 – Bago ramṭhen, Pyay pengkomh, Paungde peng, Youksai khua pawng ah a rak lut mi SAC ralkap 33 hrawng cu Pyay pengkomh PDF B3601, Company 3 nih January 16 zinglei sml 9:00am hrawng ah bomrap an puah hnawh hna tiah Eagle PDF nih an thanh.
Bomrap puah hnawh ruang ah SAC chungtel 4 an thi, 3 fak pi in an i hliam i PDF chungtel an zapi him tein an kir kho tiah an thanh.
SAC ralkap pawl nih hriamngan le meithal pawl an kah thlorh i a pawngkam ah a um mi thlam 7 an khangh tiah theih a si.
About The Author
