SAC Nih Mindat Khuachung Ah Vanlawng In Bom A Thlak, Mipi Inn A Khangh
The Chinland Post | 2024 September 17 — Chin ramkulh, Mindat khuachung ah SAC nih September 16 zaan sml 7:00pm hrawng ah vanlawng in bom a thlak tiah thawng theih a si.
SAC nih vanlawng in 500lb a rit mi bom lung 6 a thlak tiah theih a si.
September 16 chun zong ah LIB 274 um SAC ralkap pawl nih khuachung, khualeng le an pawngkam pawl ah hriamngan an thlah sawh tiah theih a si.
Mindat peng ah SAC nih September thla chung ah 500lb a rit mi bom lung 30 leng a thlak cang i mipi 2 an i hliam, mipi inn le lam pawl a rawk tiah theih a si.
Cubantuk in Mindat hrambunh 274 nih September 15 ah mipi inn an khangh i mipi inn 3 a ciam tiah theih a si.
SAC ralkap nih an khangh mi inn pawl hi minung an um ti lo nak inn pawl a si i inn ngeitu pawl an zaam nak hi kumkhat hrawng a si cang tiah theih a si.
September 14 zaanlei zong ah LIB 274 ṭhiamṭhiam nih mipi inn 6 an khangh cang tiah theih a si.
A luancia August 22 zong ah Mindat khua nitlak lei ah a um mi mipi inn 5 zong a rak khangh tiah theih a si.
About The Author
