Shan-Karenni Ramri Karlak Kahdohnak Ah SAC Ralkap 30 Leng An Thi
The Chinland Post | 2024 September 16 — Shan ram thlanglei-Karenni ramri ah a um mi SAC ralkap nih hmunhma an khuarnak pawl cu September 5-8 tiang dothlennak phu pawl nih an kah hna i ni 4 chung kahdohnak a fak, SAC lei 30 leng an thi, a nung in 3 an tlaih khawh hna leng ah hriamngan/hme zuun 24 an lak khawh tiah KNDF nih September 15 ah thawng an thanh.
Loilinlay khua um sakhaan pakhat, Kyaungkone, Koneswat, Aungpala, Kayinglay Tower tung hmunhma pawl an kah hna hi a si i kahdohnak chung ah SAC lei nih vanlei in kahdoh a bawmh hna bantuk in Drone pawl, hriamngan pawl hmang in an kan doh tiah KNDF nih a chim.
Kahdohnak chung ah SAC lei 30 leng an thi, 3 a nung in an tlaih hna i hriam zuun 24 an lak khawh tiah KNDF nih an thanh.
About The Author
