Than Daung Gyi Kahdohnak Ah SAC Infantry 604 Battalion Commander Hein Zan Htun Telh In 8 An Thi
The Chinland Post | 2023 March 8 — Karen ram, Than Daung Gyi peng ah SAC ralkap pawl an doh hna i Infantry 604 in Battalion Commander Hein Zan Htun telh in 8 an thi tiah PDF Thandaung nih a thanh.
March 2 zinglei sml 8:05am hrawng ah Botaykone khuate pawng ah a rak lut mi SAC ralkap pawl PDF Thandaung nih an kah hna i SAC lei in 2 an thi i PDF 1 fak tuk lo in aa hliam tiah theih a si.
Cubantuk in March 4 zinglei sml 11:40am ah Sniper in an pel ṭhan hna i Infantry 604 Battalion Comnander Hein Zan Htun a thah khawh i kahdohnak chung ah SAC ralkap 5 an thi, bo 3 bawi zong aa hliam tiah theih a si.
Cuka hmun kahdohnak zong ah PDF 1 fak tuk lo in aa hliam tiah an langhter.
Cucaah March 2 le March 4 kahdohnak pawl ah Infantry 604 in Battalion Commander Hein Zan Htun telh in SAC ralkap 8 an thi i bo 3 pawl 1 aa hliam tiah theih a si.
About The Author
