Thandwe Kahdohnak Ah SAC Lei 30 An Thi, Hliam A Tuar Mi Tamtuk An Um
The Chinland Post | 2024 May 22 — Rakhine ram, Thandwe peng, Shwe-hle khua kahdohnak ah SAC lei 30 leng an thi i aa hliam mi an tamtuk tiah AA lei thawngzamh nih an langhter.
May 18 zinglei sml 5:00am hrawng in chun sml 2:00pm tiang Thandwe peng, Thandwe-Taungkok lam chaklei, Shwe-hle khua ah SAC ralkap le AA karlak ah kahdohnak a chuak. Kahdohnak chung ah SAC lei 30 leng an thi i aa hliam mi an tamtuk, hriam zong zuun 45 leng an lak khawh tiah theih a si.
Cun Shwe-hle khua kahdohnak ah SAC lei tampi an zaam i SAC ralkap pawl kah ruang ah Shwe-hle le Lin-ti khua in mipi 12 nak tlawm lo an thi tiah theih a si.
