Thantlang palek sakhaan CDF/CNA nih an lak, hriam tampi zong an lak khawh
The Chinland Post | 2023 February 9 — Chin ramkulh, Thantlang khua ah a um mi SAC palek sakhaan cu CNA/CDF phufonh nih an lak leng ah hriam tampi zong an lak khawh tiah thawng theih a si.
February 8 zaan sml 10:00pm hrawng ah CDF/CNA phufonh nih Thantlang khua um SAC palek sakhaan an luh hnawh hna i sml 4 hrawng kahdohnak a chuah hnu zaanṭim sml 1:00am hrawng ah sakhaan an lak khawh tiah thawng theih a si.
Kahdohnak chung ah CNA ralkap pakhat nih ram le miphun caah a nunnak a pek.
Sakhaan lak kahdohnak chung in meithal zuun 40 leng, bom, hriamngan, drone kahnak le kuan tampi an lak khawh tiah thawng theih a si.
Kahdohnak hnu ah SAC nih vanlawng in bom voi 2 a rak thlak hna tiah thawng theih a si.
About The Author
