Thantlang Vanlawng Bual Za Ah Sawmriat Cu A Tha Ko: Director U Kyaw Soe
Salai Elvis| 2018 February 4| Thantlang Vuichip tlang Vanlawng bual cu zakhat ah sawmriat (80%) cu a hmun hma nih a chih ko tiah thiamsang hna nih an chim.
“A thil hran ning le aum tuning kong ah ruahti le thil lei thiamsang hna nih an zoh rih lai. A hmunhma cu zatkhat ah sawmriat cu a tha ko. Nan hmun hma zong hi a thianghlim mi hmunhma a si, ho hmnah nih cuhkalh mi a um lo. Tlangthluan umtu ning zong a tha ko. Cucaah tah ding le zohding tamtuk a tam rih caah, Thantlang khuami nih tangka tampi nan dih rih lai. Thazaang lei zong in nan lung aa rual a hau” tiah vanlawng lei thiamsang Director U Kyaw Soe nih a chim.
“A hmun zohnak ah a tuni tiang sing 100 fai cu kan dih cang. Hi kong ahhin Vice President a kir hnu in biatak tein khuami meeting kan tuah lai i tangka zong kan kawl ko lai. Director U Kyaw Soe zong nih khuami nih nan duh tak a si ko i lungrual tein nan tan ahcun a tlam tling ko lai, ti. Atu bantuk in thiamsang hna nih an zohmi hi thli le ruah lei thiamsang hna sin ah an chimh than hna lai i, an mah nih an rak zoh than te lai” tiah hi kongah tawlrel tu Pu Lawm Bik nih TCP ah a chim.
Thantlang Vanlawng bual cu 2017 December 2 in thiamsang hna nih nichiar tein an rak zoh cangmi a si. Tu tan Vice President Pu Henry Van Thio sin zongah Thantlang khuanu/pa hna nih Vanlawng bual zong pehzulhpiak dingin an hal. Vice President Henry Van Thio lila zong nih a hmun tiang a zohpi hna. Vuichip tlang vanlawng bual cu rili in pe 13,000 a sannak ah a um tiah theih a si. +++
About The Author
