Thongtla 3,000 Leng SAC Nih A Thlah Hna Lai
The Chinland Post | 2023 April 17 — Myanmar ramchung thongtla 3,000 leng luatnak ka pek hna lai tiah SAC nih a thanh.
Luatnak pek mi hna nih sualnak an buar ṭhan a si ahcun a taang mi an thongtlak caan he fonh chih in thongthlak chap an si lai ti mi biakamnak he SAC nih a thlah hna lai.
SAC nih luatnak a pek mi thongtla 3,000 leng chung ah dothlennak caan chung ah tlaih mi le ramkhel thongtla zeizah dah an i tel lai ti cu a fiang in theih a si rih lo.
Insein thong he aa naihniam mi nih an chimnak ahcun Insein thong in luatnak a hmu ding mi ramkhel thongtla hi an um tuk lai lo tiah theih a si.
A luancia 2022 kum hramthawk lei ah thongtla 1,500 leng luatnak a rak pek cang hna nain ramkhel thongtla an rak i tel lo.
Atulio Myanmar ramchung ah hren a si rih mi thongtla 17,460 an um tiah AAPP cazin ah hmuh khawh a si.
About The Author
