UFC 306 Ah Joshua Van Aa Thong Lai
The Chinland Post | 2024 September 4 — Chin miphun Fighter Joshua Van cu a raa lai mi September 14 ah tuah ding mi UFC 306 ah aa thong ve lai tiah theih a si.
UFC 306 cu US ram, Las Vegas ah a um mi minung 20,000 hrawng an i tlumnak Sphere Stadium ah an tuah lai i Joshua Van cu Mexico miphun Edgar Chairez he an i thong lai.
UFC tawlrel tu pawl nih Edgar Chairez cu Joshua Van he aa rak thong bal cang mi Kevin Borjas he an ton ter hna nain Kevin a chuah caah Short Notice in zarhhnih aa duh ah Joshua Van he an i thongh hnik hi a si.
Tutan Joshua Van he aa thong ding hi kum 28 a si i, 5′ 7″ a sang, a ban hi 72″ a sau. UFC ah voi 2 aa thong cang i puaikhat a awng, puaikhat a sung. Aa thongh cang mi puai vialte hi puai 16 a si cang i puai 11 teinak a hmu, puai 5 a sung.
Joshua Van hi atu kum 22 a si cang i 5′ 5″ a sang, UFC puai 4 aa thong cang i puai 3 teinak a hmu, puai 1 a sung.
Joshua Van cu a luancia July 14 ah Charles Johnson he an rak i thong i a voikhatnak bik a rak sungh si.
About The Author
