Vice President Henry Van Ṭhio sizung a kai, Security Council Meeting a kai kho lo men
The Chinland Post | 2023 January 31 — Vice President Henry Van Ṭhio cu Nyawpyitaw sizung ah a thlop caah National Defense & Security Council Meeting a kai kho lo men tiah ramkhel kong a ngiathlaitu pakhat nih Mizzima ah a chim.
Kum 64 a si cang mi Henry Van Ṭhio cu ihkun 1000 tlum sizung ah a lu a khawng, a hnawng aa hrawh caah aa thlop liopi a si tiah Mizzima ah an chim.
January 31 zinglei ah sizung a rak phan i Vice President Henry Van Ṭhio cu a inn ah a nal i a teng tiah an chim. An thlopnak hmun cu palek tampi nih an cawngh i palek mawṭaw tampi zong hmuh khawh a si tiah a hmu mi nih Mizzima ah an chim.
National Defense & Security Council cu a tanglei bantuk in dirh a si.
(1)President, (2)Vice President, (3)Vice President, (4) Pyithu Hluttaw Chairman, (5)Amyotha Hluttaw Chairman, (6) Chief Of Defense, (7) Deputy Chief of Defense, (8) Minister of Defense, (9)Minister of Foreign Affairs, (10) Minister of Interior, (11)Minister of Border Affairs hna an si.
Myanmar ram President U Win Myint cu SAC nih an tlaih lio i 2008 phunghram ning ahcun Min Aung Hliang hruai mi State Administration Council (SAC) hi thaizing February 1 ah hrawh ding a si cang caah Minister of Defense, Minister of Foreign Affairs, Minister of Interior le Minister of Border Affairs hna cu an reng a lo lai i National Defense & Security Council ah an kai kho ti lai lo. Vice President Henry Van Ṭhio nih National Defense & Security Council Meeting a kai khawh lo cun an Meeting hi a nung lo kho mi a si tiah a ruahdamh mi zong an um tiah Mizzima nih a langhter.
About The Author
