Vice President Henry Van Thio Nih Ciriangtlang National Park Tuahnak Ding le Thantlang Peng Thanchonak Tuahmi A Zohfel

The Chinland Post Hakha| 2020 February 15| Kawlram Pumpi Khualtlawnnak Thanchonak Committee Chairman Vice President Henry Van Thio cu Ramkomh Vuanci Dr. Myo Thein Kyi le U Ung Maung, Chin Ramkulh Chief Minister Salai Lian Luai, Vuanci chang Bochok Than Thun, U Kyaw Myo le U Myint Kyang, Ramkulh Vuanci pawl le riangngeitu hna he February zinglei ah Thantlang peng Tikir khua Viewpoint an phan I Tikir khua thanchonak, pawngkam hrindawhnak caah tuahmi paoh an va zoh.

Zohfelnak an Tuah

Vice President nih Tikir-Ciriangtlang meng 13 le furlong 4 lam kauhmi in Ciriangtlang National Park tuah dingmi hmun ah Thingram zung Deputy Director U Zaw Min he kokek in akhomi thingkung hna, Ciriang atlawng mi hnukdin satil le va phun, National Park caah zuah dingmi a bitkauh, tupi phun le dum a herhmi pawl zohfelnak an ngei.

Ciriangtlang le Tikir Zoh Dawh Hmun Hna/ TCP

Biachahmi

Vice President nih Ciriangtlang a hram in a cung tiang kei in kal khawhnak lam tuah ding, dim he aa pehtlai mi theihngalh dingmi chekfel ding le Ciriangtlang pawngkam ah nun pawcawmnak caah Sia zuat dingin biachahnak a ngeih hna.

Cu biacahnak a ngeih hna hnu in hmun khat ah hmanthlak tinak hna an ngei. Ciriangtlang National Park cu Thantlang peng Tikir khua pawngah a ummi a si i acre 7458.5 akaumi, tupi hmawng, farthing le hram umnak rama si I hi dum chungah thing phun 93, saram hnukdin phun phun 37, va phun 64 an um tiah a voikhatnak an rak tlawn lio record ningin theih a si.

Thapeknak A Ngeih Hna

Vice President cu Tikir khua Siangsangrun ah a va leng hna I siangngakchia pawl ca an cawnning, computer khan ah atak in an tuahmi pawl saya/sayamah te he zohtinak, hmanthlaktinak he thapeknak a ngeih hna. A thaizing February 15 ah Tikir in Thantlang lei a rak lan I a kum 72nk Chin National Day tuahnak hmun hma pawl chekfelnak a ngei.

Fianternak A Tuah

Vice President Henry Van Thio nih Thantlang ah sak liomi Government Technical School dirhmun a zoh i Associate of Government Technical Instistute (A.G.T.I) sianguk nih sianginn khan le cacawnnak, siangngakchia pawl umnak inn, riantuantu te umnak, sianginn vawlei hmunhma kauhnak ding le Hakha A.G.T.I sianginn a dihmi siangngakchia pawl rianngahnak kong chimphuannak a ngeih hnu ah ramkomh vuanci Dr. Myo Thein Kyi nih fianternak a tuah. Riantuannak ah a herhmi Vice President Henry Van Thio nih a cah tak hna.

Cu dih in Thantlang No.3 sangah an sak cuahmahmi Tikhonnak ti-inn sak liomi kong le Thantlang dinti an ngah khawhnak hnga rian an tuan cuahmahmi a zohfel.

Thantlang khuachungah minung thonghra hrawng a ummi ah minung pakhat nih nikhat ah gallon 25 in kan tuak ahcun nichiar gallon 260,000 a herh pengnak le atulio tichuahnak hmun 11 in nichiar gallon singkhat leng ti aa khonnak kong, a tu Khuaiva tihnah in nichiar a chuak dingmi hi gallon 216,000 aa ra dingmi pipe in lak a si lai I nichiar gallon 320,000 cu duhtawk in Thantlang a pek khawh lai tiah theih a si.

Thantlang Viewpoint A Zoh

Vice President le hawi le pawl cu Thantlang Viewpoint ah an phan i Viewpont ah hmanthlaknak an ngei hna. Cu dih in Thantlang siizung ihkhun (50) aa tlumnak ah an leng I Thantlang Operation tuahnak inn thar an zohmi le mizaw hna thapeknak a ngeih hna. Ref: The Mirror February 16