Zarhkhat Chung Ah Hngakchia 8 Telh In Mipi 30 Leng An Thi
The Chinland Post | 2024 May 24 — Myanmar ramchung ah SAC hriamngan, hriamhme he kahdohnak ruang ah May 15 in May 21 tiang, zarhkhat chung ah hngakchia 8 telh in mipi 30 leng an thi i 50 leng an i hliam tiah ND Burma nih May 23 ah a thanh.
A thi mi chung ah Shan ram chaklei, Madalay le Magway ramṭhen in minung 5 cio, Karen ram in minung 4, Rakhine le Kachin ram in minung 3 cio, Sagaing, Tanintharyi le Bago ramṭhen ah 2 cio le Chin ramkulh in 1 an in tel.
Zarhkhat chung ah SAC nih Myanmar ramchung ah hriamngan, hriamhme kahdohnak leng ah van lei kahdohnak, tlaihkhihnak telh in nuhrin covo a buar lengmang tiah cathanh ah an țial.
