July 24, 2024

1027 Operation Aa Thawk Ṭhan Tiah TNLA Nih An Thanh

0

The Chinland Post | 2024 June 26 — Thla 5 chung kahdoh a daih cang nak Shan ram chaklei Nawnghkio, Kyaukme, Hsipaw le Mogok peng kahdohnak dirhmun pawl cu TNLA nih June 25 ah cathanh an chuah.

Nawnghkio peng Kyaukkyan, Ommahti, Khemon, Kankaw khua hna ah khuachung kahdohnak a chuak i SAC lei nih vanlawng in voi 4 tiang kahdohnak a tuah bantuk in Kyaukme peng Nyinchanyekone, Sakhaanthar, Khoyaung le Na-aih khua hna ah kahdohnak a chuak i SAC lei nih vanlawng in voi 2 kahdohnak a tuah tiah theih a si.

Cubantuk in Mogok peng Yuatharyar, Panthapyay, pyuyaung khua le hmun dangdang zong ah kahdohnak a chuak i vanlawng in voi 5 kahdohnak a tuah, Hsipaw peng Sunlung khua, June 25 zaanlei sml 5:00pm hrawng ah kahdohnak a chuak tiah TNLA nih an thanh.

Kahdohnak chung ah mipi 2 an thi, 3 an i hliam, SAC lei nih Mi-35 in voithum tiang hriam a rak bawmh hna tiah an thanh.

Kyaukme le Nawnghio khuachung tiang TNLA ralkap pawl an lut i SAC kuttang zung cheukhat an lak khawh tiah khuami pawl nih The Irrawaddy ah an chim.

Operation 1027 aa pehnak ding kahdohnak a si tiah TNLA nih an thanh.

About The Author

Na ruahning rak langhter ve.. (Leave a comment)