Mindat Ah Ooredoo Tower Tung Sak Ding In Conpany Nih Timh Tuah Mi Cu Duhlonak Kan Langhter Peng Rih Lai Tiah Khuami Nih An Ti
Salai Cung Cung |2018 September 12| Mindat ah Ooredoo Tower tung sak kong he pehtlai in Company lei nih September 12 ah tonbiaruahnak ngeih than dingmi ah duh lonak kan langhter peng rih ko lai tiah khuami Pu Sin Aung Ling nih a chim.
“Kan mah lei nih hi tluk duhlonak cathanh kan langhter cangmi Company he tonbiaruahnak ngeih than ding cu kan mah lei minung zong an kal duh ti hna lo, duhlonak langhter cangmi thil ah tonbiaruahnak ngeih than peng zong a hau lo tiah a ti mi zong tam pi an um, kei mah zong hi tower tung sak ding mi cu zeiti hmanh in ka duh lo” tiah Pu Sin Aung Ling nih a chim.
“Kan mah sang theng te ah Telenor Tower tung zong MPT Tower tung le MYTEL tung ti an um i Ooredoo tung vun um chap ding cu kan mah caah ngamdamnak kongah tih nung mi thil a si lai tiah ruahnak hi a si ko, an sak ding mi Tower nih le inn he a neih tuk fawn caah kan mah lei in cun zeitin hmanh in hnatlak pi awk a tha bak lo mi a si, ka dang hmun ah sa ko hna seh” tiah a chim chap.
Tower sak ding hmun i a um mi sang khuabawi U Naing Om nih “peng uk bawi nih duhlonak cathanh a chuah tu pawl le Company pawl tonter dingin ruahnak a kan pek” tiah a chim.
(Ref: Chin World)
Mindat Khuachung Ah Ooredoo Tower Tung Phun An Timhmi Khuami Hna Lung Tling Lo
About The Author
