2008 Phunghram Thawng In Hluttaw Palai Nih Thlahlawh Sing 10 Nan Hmuh Khawh Hi A Si: Ralkap Hluttaw Palai

0

TCP-Thantlang|29 August 2019| Atu hman lio mi 2008 uknak phunghram ruangah hin a tu lio Hluttaw palai hna nih thlahlawh thlakhat sing 10 (1,000,000) hmuh le pek nan sinak hi philh hlah u tiah ralkap bawi Hluttaw palai a si mi Thu Za Swe nih ralrin nak a pek hna.

“2008 phunghram cu biakamnak tuah hnu ah rampi thanchonak caah aa zuamnak kong le thimnak ah thleidannak um lo in a tu lio cozah sin ah nawlngeihnak zong tha tein pek nan si nak kong le a tu kan hman lio mi phunghram ruangah hin President U Hthin Kyaw le U Win Myint  cozah Hluttaw palai hna nih thlakhat ah sing 10 nan hmuh khawhnak hi 2008 phunghram ruang ah a si hi philh hlah u” tiah Thu Za Swe nih a chim.

August 28 ni ah tuah mi ramkomh Hluttaw tonpumnak hmun ah palai 145 nih phunghram a hren a voi hnih remhnak kong an chuahpi mi ceihmainak chungah a tubantuk in a chim hi a si.

Mah ni ah Hluttaw palai minung 45 nih upadi a hren remh ding an chuahpimi, chap, remh le hrawh ding tiin 3765 an chuah pi mi chungah ralkap bawi Hluttaw palai a si mi Maung Maung nih nan chuah pimi hi tihnung an si tiah a chim ve.

Phunghram ahran remhding in Committee dang phu khat minung 143 nih a chuahpi mi chungah phunghram 261 cu mah le ramthen, ramkulh Hluttaw cio nih Chief Minister rian pek ding tiah a hren an chuah pimi kongzong ah dohdalnak tampi a chuak than tiah kan theih. (Ref:The Fifth Wave News)

About The Author

Na ruahning rak langhter ve.. (Leave a comment)

%d bloggers like this: