2013 Hnuin Dollar Man A Kai Bik Caan A Phan
TCP-Online| 2018 June 23| 2013 hnuin tuthla chung hi Dollar tangkaa thlen man a kai bik tiah Myanmar Central Bank nih June 22 ni khan thanhnak a tuah.
Myanmar Central Bank nih nizan i a thanhmi ah cun “2013 hnu in tukum June thla hi Dollar man a kai cem caan a si. Atu Dollar fangkhat ah Kyats 1375 tiang a phan”tiah a thanh.
Kawlram chawletnak lei ah thiamsang ngaimi U Ye Min Oo nih cun “tu thla tluk in Dollar man a kai hi khuaruahhar ngai a si. US President Trump le Kim an i ton hnu bak in man ti tangkaa thlen a kai zong hi a si ko”tiah a chim.
Dollar ($) cu June 14 hnu khan kai hram aa thok lengmang i nikhat ah Kyats 17 in 23 karah a kai peng ti zong Myanmar Central Bank nih cun a langhter.
2016 kum lio khan Dollar thlen man a rak kai tuk ti a si i cu lio ah cun $ fang khat ah Kyats 1373 a rak si. Tukum June 21 ah cun 1375 tiang a kai manh caah 2013 hnu cun a kai cem zong a si.
Tubantuk in Dollar man a kai hi Kawlram lawngah si lo in vawleicung ram hna zong ah a kai len hna ti theih a si.
Ref;The Voice
About The Author
