2017-18 La Liga Celhthiam Bik Le Goal Tambik Suttu Laksawng Phunhnih Messi Nih A Co

0

The Chinland Post| 2018 November 13| Barcelona hmaikal Messi cu 2017-18 kum caah La Liga celhthiam bik laksawng le goal tambik suttu laksawng phun hnih a co pin ah thapetu nih thimmi Spain League ah man ngei bik celhthiam laksawng zong a co chih. Hi laksawng peknak le cohlannak cu November 12 ah an tuah.

Messi hi La Liga ah a thiambik celhthiam laksawng voi 7 tiang a co cang bantuk in goal tam bik suttu laksawng zong voi 5 tiang a co cang. Messi nakin goal sut voi tamdeuh a rak co balte cu The Zarra a si, voi 6 tiang a rak co.

La Liga zuamnak ah goal 34 a sut i Barcelona i a chuih chung ah La Liga cup voi 9 tiang champion a copi cang hna.
A thiam bikmi goalbawh laksawng cu Atlético Madrid in Jan Oblak a si, tukum he hin kumthum peh in a co cang. A tha bikmi coach laksawng cu Valencia in Marcelino nih a co, voihnih a co ve cang.
Ref: AFP, EFE_EPA

About The Author

Na ruahning rak langhter ve.. (Leave a comment)

%d bloggers like this: